نێچیرڤان بارزانی: ده‌مه هه‌موو ئالیێن كوردستانێ حه‌زا چاره‌كرنا كێشێن سیاسی نیشا بده‌ن
ئه‌ڤرۆ نیوز:
سه‌رۆكێ حوكمه‌تا هه‌رێما كوردستانێ راگه‌هاند، به‌ری بڕیار ل سه‌ر شێوه‌كێ دی یێ حوكمڕانیێ بهێته دان، پێدڤیه ڕاستیا عیراقێ ژ ڕوویێ پێكهاتێن نه‌ته‌وی و ئاینی و مه‌زهه‌بی و جوگرافی ڤه بهێته زانین، چونكو قۆناغێن پێشتر یێن پێكڤه‌بوونێ شكه‌ستن ئینا و هه‌رێما كوردستانێ یا به‌رهه‌ڤه ب دانوستاندنان ل سه‌ر شێوێ دی یێ ب ڕێڤه‌برنێ و حوكمی و په‌یوه‌ندیان، ڕێككه‌فتنێ بكه‌ت كو ببیته جهێ خوه‌شیێ بۆ هه‌موو ده‌ڤه‌رێ.
نێچیرڤان بارزانی د ڕێوڕه‌سمێن دیدارا سلێمانیێ دا دووپاتی ل وێ چه‌ندێ كر كو كێشێن سیاسی یێن ناڤخوه‌یی ل هه‌موو وه‌لاتان ڕوودده‌ن، به‌لێ یا گرنگ ئه‌وه حه‌ز و ئیرادا چاره‌سه‌ركرنێ هه‌بیت، له‌وما نوكه ده‌مێ وێ چه‌ندێ یه هه‌موو لایه‌نێن كوردستانێ وێ حه‌ز و ئیرادێ ب تمامی نیشا بده‌ن و په‌رله‌مان بهێته كاراكرن و ببیته جهێ باوه‌ریێ و ئارامیێ بۆ هه‌موو گه‌لێ كوردستانێ.
