نێچیرڤان بارزانی: رێككەفتنا هەسەدە و دیمەشقێ پێنگاڤەكا گرنگ و دروستە
نێچیرڤان بارزانی، سەرۆكێ هەرێما كوردستانێ د پەیامەكێدا پێشوازی ل رێككەفتنا د ناڤبەرا حوكمەتا سووریێ و هێزێن سووریا دیموكرات (هەسەدە) دا كر و دیاركر پشتەڤانیێ ل وێ رێككەفتنێ دكەین بۆ راگرتنا شەڕی و تێكهەلكرنا دەزگەهێن سەربازی و كارگێری و مسۆگەركرنا مافێن مەدەنی و پەروەردەیی یێن گەلێ كورد و زڤڕینا ئاوارەیان بۆ جهێن خوە. هەروەسا دیاركر ژی، ئەڤ رێككەفتنە پێنگاڤەكا گرنگ و دروستە ب ئاراستەیا چارەسەرییا ئاشتییانە. هەروەسا دووپاتكر ئەڤ رێككەفتنە دێ دەلیڤەیەكا ب هێز بۆ ئارامیێ، ئاشتییا جڤاكی و پێكڤەژیانا ئاشتییانە د ناڤبەرا پێكهاتەیاندا پەیداكەت و هیڤیدارین ببیتە ئەگەرێ دروستكرنا سووریایەكا ئێكگرتی، پاراستنا مافێن گەلێ كورد و هەموو پێكهاتەیان د دەستوورێ داهاتیدا.
