نێچیرڤان بارزانی سوپاسیا ئه‌لمانیا دكه‌ت
سه‌رۆكێ هه‌رێما كوردستانێ، نێچیرڤان بارزانی، پێشوازی ل تۆبیاس تونكێل، به‌رپرسێ دۆسێیا ڕۆژهه‌لاتا ناڤین ل وه‌زاره‌تا ده‌رڤه یا ئه‌لمانیا كر و دیداره‌كێ دا په‌یوه‌ندیێن ئه‌لمانیا ل گه‌ل ئیراقێ و هه‌رێما كوردستانێ، ڕه‌وشا ده‌ڤه‌رێ ب گشتی، په‌یوه‌ندیێن هه‌ولێرێ – به‌غدا، په‌یوه‌ندیێن ئیراقێ و هه‌رێما كوردستانێ ل گه‌ل وه‌لاتێن ده‌وروبه‌ر دانوستاندن ل سه‌ر هاته كرن. سه‌رۆكێ هه‌رێمێ سوپاسیا هاریكاریێن له‌شكری و مرۆڤایه‌تی یێ ئه‌لمانیا بۆ هه‌رێما كوردستانێ د شه‌ڕێ دژی تیرۆڕێ دا كر و كوتریه‌ك ل دۆر دووماهی سه‌ره‌دانا خوه بۆ به‌غدا و كۆمبوونێن وی ل گه‌ل به‌رپرسێن بلند یێن ئیراقێ به‌رچاڤكر. ژ ئالیێ خوه‌ڤه تۆنكێل، خواستا وه‌لاتێ خوه د به‌رده‌وامیا هاریكاری و پشته‌ڤانیێ بۆ ئیراقێ و هه‌رێما كوردستانێ و چاره‌سه‌ركرنا كێشه‌یێن هه‌لاویستی یێن هه‌ولێرێ – به‌غدا، نیشان دا.
