نێچیرڤان بارزانی سەرەخوەشیێ ل ئەیاد عەلاوی دكەت
سەرۆكێ هەرێما كوردستانێ د پەیامەكێدا هەڤخەمییا خوە بۆ ئەیاد عەلاوی، سەرۆك وەزیرێن ئیراقێ یێ بەرێ و سەرۆكێ هەڤپەیمانییا مەدەنییا نیشتمانی ل ئیراقێ دیاركر، ب هەلكەفتا مالئاڤاهیكرنا كۆڕێ وی.
نێچیرڤان بارزانی، سەرۆكێ هەرێما كوردستانێ د پەیاما خوەدا گۆت» ب خەمڤە دەنگوباسێ مالئاڤاهیكرنا كۆڕێ ئەیاد عەلاوی گەهشتە مە. هەڤخەمییا خوە ئاراستەی وی و مالباتا وی یێن ب رێز دكەین، لاڤایان ژ خودای دكەین ب بەهەشتا بەرین شاد بكەت و ئارامیێ ببەخشیتە كەسوكارێن وی».
سەرۆكێ هەرێما كوردستانێ گۆت ژی» هەڤپشكێن وێ خەما ب ئازار دكەین و دڤێ رەوشا ب ئازاردا دێ ل گەل ئەیاد عەلاوی وخێزانا وی بین».
