نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
دوهی ئێكشەمبی 17/11/2024، سەرۆكێ هەرێما كوردستانێ پەیامەكا بەهیداریێ ئاراستەی خێزان و كەسوكارێن شەهیدێن كریارا تیرۆرستییا سنوورێ خورماتوو كر.
نێچیرڤان بارزانی، سەرۆكێ هەرێما كوردستانێ د پەیاما خوە دا گۆت» سەرەخوەشیێ ل خێزان و كەسوكارێن شەهیدانێن كریارا تیرۆرستییا سنوورێ خورماتوو دكەم، كو ددەمێ ئەركی دا و ژ ئەنجامێ پەقینا بۆمبەكا چاندی ب ترۆمبێلا لیوایەكا هەڤپشك یا پێشمەرگەی و لەشكرێ ئیراقێدا، سێ پلەدار شەهید بوون. ژ خودایێ مەزن دخوازم گیانێ وان ب میهرەبانییا خوە شاد بكەت و ئارامیێ ب مە هەموویان ببەخشیت، هەڤسۆز و هەڤخەمێن وانین و هیڤییا سەلامەتیێ و زوو چاكبوونێ بۆ برینداران دخوازین».
سەرۆكێ هەرێما كوردستانێ د پەیاما خوەدا دوپاتكر» ئەڤ كریارا تیرۆرستی وێ چەندێ د سەلمینیت كو هێشتا تیرۆر مەترسییەكا راستەقینەیە و گەفە ل ئارامی و سەقامگیرییا ئیراقێ و هەرێما كوردستانێ و دەڤەرێ ب گشتی و سەر و مالێ هەڤوەلاتییان ب تایبەتی ل دەڤەرێن مادەیێ 140 دكەت، لەوما دوپاتیێ ل بەردەوامی و زێدەتر ب هێزكرنا هەماهەنگیێ و هاریكارییا هەڤپشك یا پێشمەرگەی و لەشكرێ ئیراقێ و هێزێن هەڤپەیمانان بۆ بەرهنگاربوون و شكاندنا تیرۆرستان دكەین».
