نێچیرڤان بارزانی ل گەل پەرلەمانتارێن نوو یێن پارتی ل عیراقێ کۆم بوو

جێگرێ سەرۆکێ پارتییا دیمۆکرات یا کوردستانێ ل گەل ئەندامێن فراکسیۆنا نوو یا پارتی ل پەرلەمانێ ئیراقێ کۆم بوو.

نێچیرڤان بارزانی د کۆمبوونا خوە یا ئەڤرۆ دا ل گەل پەرلەمانتارێن نوو یێن پارتی ل جڤاتا نوونەرێن ئیراقێ، کو ل گۆرەی دەستووری بریارە رۆژا سێشەمبێ، چواری ڤێمەهێ ئێکەم روونشتنا خولا نوو یا پەرلەمانی بهێتە کرن، راگەهاند: پارتییا دیمۆکرات یا کوردستانێ وەک پارتییەکا سیاسی ل سەرانسەری ئیراقێ خوەدان پترین کورسی یە، ئەو یەک ژی جهێ شانازیێ یە، لەورا پێدڤی یە ئەندامێن فراکسیۆنا پارتی ل بەغدا هەم ل سەر ئێکرێزییا کوردان ل پەرلەمانێ ئیراقێ و پاراستنا مافێن گەلێ کورد، هەم ژی بهێزکرنا پەیوەندیێن ناڤبەرا هەموو پێکهاتەیێن نەتەوەیی و ئۆلی یێن ئیراقێ کار بکەن خوە ب بەرپرس بزانن.