نێچیرڤان بارزانی: هه‌تا ئافره‌ت ئازاد نه‌بیت جڤاكه‌كێ ئازاد و پێشكه‌فتی په‌یدا نابیت
سه‌رۆكێ هه‌رێما كوردستانێ، نێچیرڤان بارزانی، ب هه‌لكه‌فتا ڕۆژا به‌رهنگاربوون و نه‌هێلانا توندوتیژیێ دژی ئافره‌تان په‌یامه‌ك به‌اڤكر و ڕاگه‌هاند، هه‌موو پشته‌ڤانیه‌كێ بۆ خه‌بات و ئازادی و مافێن ژنێ و یه‌كسانیێ دووپات دكه‌ین و دێ به‌رده‌وام بین د پاراستنا مافێن ئافره‌تێ و په‌یداكرنا جڤاكه‌كی كو ژن تێدا یا ئازاد و یه‌كسان بیت و ب هیچ هێجه‌ته‌كێ گه‌فێن توندوتیژیێ و كوشتنێ ل سه‌ر نه‌بن، هه‌تاكو ئافره‌ت ئازاد نه‌بیت، جڤاكه‌كێ ئازاد و یه‌كسان و ئارام و مه‌ده‌نی یێ پێشكه‌فتی په‌یدا نابیت. دووپات ژی دكه‌ین كو ب هه‌موو شێوه‌یه‌كی دێ به‌رهنگاریا هه‌موو جۆره توندوتیژی و ده‌ستدرێژی و پێشێلكاریه‌كا به‌رامبه‌ر ب ماف و ئازادیا ژنان بین و دێ به‌رده‌وام بین بۆ نه‌هێلانا هزرا توندڕه‌وی و په‌یداكرنا ده‌لیڤه‌یه‌كا باشتر یا پشكدار و هه‌ڤپشكیا ئافره‌تێ د كارێ سیاسی و كارگێری ل هه‌رێما كوردستانێ.
