نێچیرڤان بارزانی و بالیۆزێ ڤەنزوێلا دوپاتیێ ل چارەسەرییا ئاشتییانەیا ناكۆكییان دكەن

سەرۆكێ هەرێما كوردستانێ و بالیۆزێ ڤەنزوێلا ل ئیراقێ دوپاتی ل گرنگییا پاراستنا ئارامییا دەڤەرێ و چارەسەرییا ئاشتییانەیا كێشە و ناكۆكییان كر.
ب گۆڕەی بەیاننامەیا سەرۆكایەتییا هەرێما كوردستانێ، دوهی چارشەمبی 9/7/2025، نێچیرڤان بارزانی، سەرۆكێ هەرێما كوردستانێ د دیدارەكێدا ل گەل ئەرتورۆ ئەنیبال گالێگۆس رامیرێز، بالیۆزێ ڤەنزوێلا ل ئیراقێ، دەربارەی دەرفەتێن زێدەتر پێشڤەبرنا هەڤبەندیێن ڤەنزوێلا ل گەل ئیراقێ بیر و بۆچوون لێكگۆهارتن.
د تەوەرەكێ دی یێ دیدارێدا، وەكو د بەیاننامەیا سەرۆكایەییا هەرێما كوردستانێدا هاتی» رەوشا گشتییا ئیراقێ و هەرێما كوردستانێ و دووماهی پێشهاتێن دەڤەرێ و دەرئەنجامێن وێ هاتنە باسكرن، سەبارەت وێ چەندێ دوپاتی ل گرنگییا پاراستنا ئارامیێ ل دەڤەرێ و چارەسەركرنا ئاشتییانەیا كێشە و ناكۆكییان، هاتە كرن».

کۆمێنتا تە