نێچیرڤان بارزانی و جێگرێ سه‌رۆكێ ئه‌مریكا ل دۆر هێرشا كۆیه ئاخڤتن
ئه‌ڤرۆ نیوز:
مایك پێنس، جێگرێ سه‌رۆكێ ئه‌مریكا ئه‌ڤرۆ راگه‌هاند، وی د په‌یوه‌ندییه‌كا تێله‌فۆنی دا د گه‌ل نێچیرڤان بارزانی سه‌رۆكوه‌زیرێ هه‌رێما كوردستانێ دا ئاخفت و هێرشا ئیرانێ ل كۆیه شه‌رمزار كر.
پێنس گۆت: ئه‌ز ئه‌ڤرۆ د گه‌ل نێچیرڤان بارزانی سه‌رۆكوه‌زیرێ هه‌رێما كوردستانێ دا ئاخڤتم و هێرشا مۆشه‌كان یا ئیرانی ل هه‌رێما كوردستانێ شه‌رمزار كر، ئه‌و هێرش گه‌فه و گاڤه‌كه ژ ئالیێ ئیرانێ ڤه بۆ تێكدانا سه‌قامگیرییا نێزیكترین جیرانا وێ.”
ژ ئالیێ خوه نێچیرڤان بارزانی ژی خویا كر، وی د په‌یوه‌ندییا د گه‌ل پێنسی دا بزاڤێن پێكئینانا حكومه‌ته‌كا فره‌ئالی یا ئیراقێ به‌حس كرن و پێگیرییا هه‌رێمێ ب شه‌رێ دژی تیرۆرێ دوپات كر.”
بارزانی گۆت ژی: ئه‌و پشته‌ڤانیا ئه‌مریكا بۆ هه‌رێما كوردستانێ ب بلند دنرخینیت و كار بۆ بهێزتركرنا په‌یوه‌ندیێن هه‌ردو ئالییان دكه‌م.”
