نێچیرڤان بارزانی و عه‌بادی دوپاتیێ ل دانوستاندنان دكه‌ن
ئه‌ڤرۆ نیوز:
نێچیرڤان بارزانی سه‌رۆك وه‌زیرێن هه‌رێما كوردستانێ ئه‌ڤرۆ ب سه‌ره‌دانه‌كێ گه‌هشته به‌غدا یا پایته‌ختێ عیراقا فیدرال.
نێچیرڤان بارزانی د وێستگه‌هێ ئێكێ یێ سه‌ره‌دانا خوه دا ل گه‌ل د. حه‌یده‌ر عه‌بادی سه‌رۆك وه‌زیرێن عیراقا فیدرال كۆمبوو.
د كۆمبوونێ دا ره‌وشا سیاسی و ئێمناهی و ئابووری یا عیراقێ و هه‌ماهه‌نگی و هاریكاریا د ناڤبه‌را هه‌ولێر و به‌غدا دا ب مه‌ره‌ما ژناڤبرنا شانێن تیرۆرستان گه‌نگه‌شه‌كرن.
د پشكه‌كا دی یا كۆمبوونێ دا، هه‌ردو ئالیان دوپات كر كو دانوستاندن د چارچوڤێ دستووری دا دێ شێن كێشێن هه‌لاویستی چاره بكه‌ن و ب ره‌نگه‌كی د به‌رژه‌وه‌ندیا هه‌موو گه‌لێن عیراقێ دا بیت.
