نێچیرڤان بارزانی و كونسۆلێ هوله‌ندا دووپاتیێ ل پێشڤه‌برنا په‌یوه‌ندیان دكه‌ن
ئه‌ڤرۆ:
سه‌رۆكێ هه‌رێما كوردستانێ، نێچیرڤان بارزانی دوهی ئێكشه‌مبی 4/12/2022 د دیداره‌كێ دا ل هه‌ولێرێ ل گه‌ل (یاكۆ بیرێندز) كونسۆلێ گشتیێ نوو یێ وه‌لاتێ هوله‌ندا ل هه‌رێما كوردستانێ، پیرۆزباهیا ده‌ستبكاربوونێ لێكر و هیڤیا سه‌ركه‌فتنێ بۆ خواست، هه‌روه‌سا هه‌موو پشته‌ڤانیه‌كا خوه و سه‌رۆكایه‌تیا هه‌رێما كوردستانێ بۆ سه‌رخستنا ئه‌ركێ وی دووپاتكر.
هه‌ردو ئالیان دووپاتی ل خواستا دوئالی بۆ پێشڤه‌برنا په‌یوه‌ندیان و به‌ر ب پێشڤه‌برنا وان د هه‌موو بواران دا بتایبه‌تی د بوارێ چاندنێ دا كر.
ژ ئالیێ خوه‌ڤه نێچیرڤان بارزانی، سه‌رۆكێ هه‌رێما كوردستانێ سوپاسیا هه‌رێما كوردستانێ بۆ حوكمه‌تا هوله‌ندا دووپاتكر بۆ پشته‌ڤانی و هاریكاریا هه‌رێما كوردستانێ ل ده‌مێ شه‌ڕێ دژی تیرۆرستێن داعشێ دا.
