نێچیرڤان بارزانی و مەسرور بارزانی پیرۆزباهیێ ل شیرەتكارێ نوو یێ ئەلمانیایێ دكەن
سەرۆكێ هەرێما كوردستانێ و سەرۆكێ حوكمەتا هەرێما كوردستانێ د دۆ پەیامێن جودا دا پیرۆزباهی ل فرێدریك مێرز كر ب هەلكەفتا هەلبژارتنا وی وەكو شیرەتكارێ نوو یێ ئەلمانیا.
نێچیرڤان بارزانی، سەرۆكێ هەرێما كوردستانێ د پەیاما خوە یا پیرۆزباهیێ دا ل پێگەهێ خوە ل تۆرا جڤاكییا ئێكس بەلاڤكر» پیرۆزباهیێ ل فرێدریك مێزر دكەم ب هەلكەفتا هەلبژارتنا وی وەك شیرەتكارێ كۆمارا فیدرالییا ئەلمانیا و هیڤییا سەركەفتنێ د ڤی پێگەهێ نوودا بۆ دخوازم».
سەرۆكێ هەرێما كوردستانێ هەروەسا گۆت» هەرێما كوردستانێ ب گرنگی دنێریتە وێ هەڤپشكییا خوە یا نێزیك ئەوا ل گەل ئەلمانیا هەی و چاڤێ وێ ل زێدەتر پێكڤە كاركرنێیە».
ژ ئالیێ خوەڤە مەسرور بارزانی، سەرۆكێ حوكمەتا هەرێما كوردستانێ ل پێگەهێ خوە ل تۆرا جڤاكییا ئێكس د پەیامەكێدا پیرۆزباهی ل فرێدریك مێزەر، شیرەتكارێ نوو یێ ئەلمانیا كر.
د پەیاما سەرۆكێ حوكمەتا هەرێما كوردستانێدا هاتیە» یێ پشتڕاستم سەركردایەتییا هەوە دێ دەلیڤەیەكا نوو بۆ ب هێزكرنا هەڤپشكیێ د ناڤبەرا هەرێما كوردستانێ و ئەلمانیا دا ڤەكەت».
