نێچیرڤان بارزانی: پێدڤیە پارتی بەردەوام دەستپێشخەر بیت بۆ دەربازكرنا كێشە و قەیرانان

جێگرێ سەرۆكێ پارتی دیموكراتی كوردستان، نێچیرڤان بارزانی ب هەلكەفتا 77 سالیا دامەزراندنا پارتی پەیانەما پیرۆزباهیێ بەلاڤكر و تێدا دبێژیت: شانازیە بۆ پارتی كو پشتی ڤی ژیێ درێژ، هێشتا ل مەیدانا خەباتێ یا بەردەوامە و نوونەرایەتیا خەلكێ كوردستانێ دكەت.
دیاركر ژی، ئەڤرۆ هندی دیرۆك و مەزنی و قوربانیدانا پارتی، ئەرك و بەرپرسیارەتیا پارتی ژی یا دیرۆكی و مەزنە، لەوما پێدڤیە وەكو بەردەوام ئەرك و بەرپرسیارەتیا خوە بجهبینیت و كۆمكەرا هەموویان و دەستپێشخەر بیت بۆ چارەسەریێ و دەربازكرنا كێشە و قەیرانان، پارێزەر و پێشەنگا تەبایی و ئێكڕێزیێ و پێكڤەبوونێ و هەڤدو قبوولكرن و هاریكاریێ بیت، ڕۆلێ كارا و كاریگەرێ خوە د پاراستنا ئازادیێ و دیموكراسیێ و ماف و دەستكەفتێن دستووری یێن گەلێ كوردستانێ و چەسپاندنا فیدرالیێ دا بگێریت.

کۆمێنتا تە