نێچیرڤان بارزانی پێشوازيێ ل برێت ماكگۆرك دكه‌ت
ئه‌ڤرۆنيوز:
سه‌رۆك وه‌زيرێن هه‌رێما كوردستانێ، نێچيرڤان بارزانى، ئه‌ڤرۆ دوشه‌مبى 27/8/2018 پێشوازى ل برێت ماكگۆرك هنارتيێ تايبه‌تێ سه‌رۆكێ ئه‌مريكا بۆ هه‌ڤپه‌يمانيا نێڤده‌وله‌تى يا شه‌رێ دژى داعشێ كر.
دديداره‌كێ دا كو دۆگلاس سيليمان باليۆزێ ئه‌مريكا ل عيراقێ وستيڤ ڤه‌يگن كونسۆلێ ئه‌مريكا ل هه‌رێما كوردستانێ تێدا به‌رهه‌ڤبووين، هه‌ردو لا دانوستاندن ل سه‌ر دووماهى پێشهاتێن ده‌ڤه‌رێ وديالۆكێ دناڤبه‌را لايه‌نێن سياسى يێن عيراقى وهه‌رێما كوردستانێ بۆ پێكئينانا كابينا نوو يا حوكمه‌تا عيراقێ كر ب شێوه‌كى كو حوكمه‌ته‌كا نيشتمانى بيت ول دۆر ڤێ چه‌ندێ رۆلێ هه‌رێما كوردستانێ دوان دانوستاندنان دا ب بلند وگرنگ نرخاند.
