نێچیرڤان بارزانی پێشوازيێ ل خواستا كۆمپانيێن چينێ بۆ وه‌به‌رهێنانێ ل كوردستانێ دكه‌ت
ئه‌ڤرۆنيوز:
نێچيرڤان بارزانى سه‌رۆك وه‌زيرێن هه‌رێما كوردستانێ ئه‌ڤرۆ دوشه‌مبى 2/7/2018 پێشوازى ل نى رۆچ، كونسۆلێ گشتيێ نوو يێ كۆمارا چينێ ل هه‌رێما كوردستانێ كر.
دديداره‌كێ دا، كونسۆلێ چينى دياركر كو دێ كاركه‌ت بۆ وێ چه‌ندێ زێده‌تر په‌يوه‌نديێن وه‌لاتێ خوه ل گه‌ل هه‌ريما كوردستانێ خوه‌ش بكه‌ت ب تايبه‌تى دبوارێن سياسى وئابوورى وبازرگانى وره‌وشه‌نبيرى وزانستى، هه‌روه‌سا حه‌زا كۆمپانيێن چينى بۆ كاركرنێ ل هه‌رێما كوردستانێ به‌رچاڤكر.
ژلايێ خوه‌ڤه، نێچيرڤان بارزانى، هيڤيا سه‌ركه‌فتنێ بۆ كونسۆلێ نوو يێ چينێ خواست وخواستا هه‌رێما كوردستانێ بۆ ب هێزكرنا په‌يوه‌نديان ل گه‌ل چينێ ل هه‌موو بواراندا ده‌ربرى، هه‌روه‌سا پێشوازى ل خواستا كۆمپانيێن چينى بۆ وه‌به‌رهێنانێ ل هه‌رێما كوردستانێ كر وهه‌موو هاريكاريه‌ك بۆ دووپاتكر، ئاماژه ب وێ چه‌ندێ ژى دا كو كۆمپانيێن چينى دشێن رۆله‌كێ به‌رچاڤ دبوارێن ژێرخان، بازرگانى ووه‌به‌رهێنانێ ل هه‌رێما كوردستانێ هه‌بيت ب تايبه‌تى كو شه‌رێ داعشێ يێ ب دووماهى هاتى وده‌ليڤه‌كا گونجاى بۆ وه‌به‌رهێنانێ يا هه‌ى.
به‌حسكرنا ره‌وشا سياسى يا ده‌ڤه‌رێ ب گشتى وعيراقێ وهه‌رێما كوردستانێ ب تايبه‌تى لايه‌نه‌كێ دى يێ ديدارێ بوو.
