نەجمەددین کەریم: سەرۆک بارزانی ل بارا رەوشا کەرکوکێ لسەر خەتە
ئەڤرۆ نیوز ، هلۆری:
ژئەگەرا هاتنا هێزێن میلشیاتێن حەشد شەعبی و سوپایێ عیراقێ بو دەردورێن کەرکوکێ ب مەرەما دەستگرتن ب سەر بیرێن پەترۆلێ یێن نەفتا کەرکوکێ ، دنهادا هێزێن پێشمەرگەی د حالەتێ بەرهەڤیێ دانە ، پارێزگارێ کەرکوکێ ژی دیارکر کو سەرۆک بارزانی لسەر رەوشا کەرکوکێ لسەر خەتە.
نەجمەددین کەریم پارێزگارێ کەرکوکێ دیارکر کو هێزێن پێشمەرکەی و خەلکێ کەرکوکێ پێکڤە دێ بەرەڤانیێ ژ ئاخا کەرکوکێ کەن و گۆت: ( سەرۆکێ هەرێما کوردستانێ ب رێیا تێلەفونێ پەیوەندی ب من کریە ، لسەر بارودوخ و رەوشا کەرکوک هەموو بەرهەڤیێن خوە دەربرینە ، دنهادا سەرکردێن سەربازیێن پێشمەرگەی هەموو جهێن خوە موکومکرینە)
زێدەتر گۆت: ( دخوازین کو رەوشا کەرکوک بەر باشتر ڤە بچیت ژبەرکو شەری زیان بو هەموو لایەکێ هەیە و هەموو هێزێن کو هاتینە کەرکوک دڤێت بزڤرێن جهێن خوە ، پێشتر داعشان ژی ڤیا خوە بگەهینن کەرکوکێ ، رەوشا دەڤەرێ تێک بدەن بەلێ ب هەول و بزاڤێن پێشمەرگەی و خەلکێ کەرکوکێ ، کەرکوک هاتە پاراستن و هەموو ئەو پلان هاتنە شکاندن)
