نەقیبێ سەندیکا رۆژنامەڤانان بۆ ئەڤرۆ نیوز – پێدڤی یە راگەھاندن ب چاڤەک گرنگ سەحا پرسێن نیشتمانی بکەن
ئەڤرۆ نیوز ، سالار دوسکی:
نەقیبێ سەندیا رۆژنامەڤانێن کوردستانێ ئەڤرۆ سەرەدانا پارێزگەھا دھوکێ کر بو پشکداریکرن د رونشتنەکا ڤەکری دا ، د لێدوانەکێ دا بو ئەڤرۆ نیوز دیارکر کو پێدڤی یە ھەموو دەزگەھێن راگەھاندنێ ب دیتنەکا نەتەوەیی و نیشتمانی سەحا پرسێن گرنگ بکەن.
ئازاد حەمە ئەمین نەقیبێ سەندیکا رۆژنامەڤانێن کوردستانێ بۆ ئەڤرۆ نیوز گۆت: ( پێدڤی یە دەزگەھێن راگەھاندنێ ب چاڤەکێ نەتەوەیی سەحا پرسێن نیشتمانی بکەت و پتر رۆلێ خوە د ھوشیاکرنا ڤاکی دا ببینت، دیسا ھەموو بزاڤا بکەت بۆ خەلکی بھێتە رونکرن کو ریفراندوم مافێ ھەر مللەتەکی یە و دڤێت خەلکێ کوردستانێ ب ئەڤی مافی شاد بیت)
زێدەتر گۆت: ( ریفراندوم پێنگاڤەکە بەر ب سەربخۆیا کوردسانێ و ئەڤە خەونا ھەموو کوردەکێ بویە ب درێژاھیا ھزاران سالێن بوری و ھزاران سالە قوربانیان بو خەباتا کوردایەتی و نەتەوایەتی ددەت )
نەقیبێ سەندیکا رۆژنامەڤانا گوت ژی: ( من ڤێت بزانم ئەو کەسێن بێژن نەخێر بۆ ریفراندومێ ئەوان چ بۆ ھەیە، ئانکو ریفراندوم دێ مە بەر ب سەربخۆیا کوردستانێ بەت، بەلێ نەخێر دێ مە بەر ب کیڤە بەت؟ ئەم ب چوو روو بەرسڤا خەبات و قوربانیدانا گەلێ کورد و پێشمەرگەیان بکەین ژبەرڤی َگرنگە دەزگەھێن راگەھاندنێ رولەکێ بەرچاڤ ببینن بو ھوشیارکرنا خەلکی)
