هاتنوچونا هه‌ولێرێ هنده‌ك بریارێن نوو ده‌رخستن
ئه‌ڤرۆ نیوز:
رێڤه‌به‌راتیا هاتنوچونا هه‌ولێرێ، چه‌ند بریار بۆ هێسانكاریا وه‌لاتیان ده‌ر خستن، كۆ ئیك ژ وان بریارا ده‌مێ پشكنینیا ترۆمبێلێن بۆ كرین و فروتنێ ژ شه‌ش هه‌یڤان كره ساله‌ك.
ئه‌ڤرۆ هاتنوچونا هه‌ولێرێ ل هژمارا خویا تورێن جڤاكی به‌لاڤكر، عه‌میدێ مافپه‌روه‌ر دیدار عومه‌ر قادر رێڤه‌به‌رێ هاتنوچونا هه‌ولێری چه‌ند بریاره‌ك ب مه‌به‌ستا هێسانكاریان بۆ وه‌لاتیان ده‌رخستن، كۆ بڤی شیوه‌یی خوارێ:
- بجهكرنا بریارا پاره‌دانا سزایێن هاتنوچونێ ب شێوه‌یێ قست بێ پێشه‌كی، كۆ به‌ریا نها دڤیا وه‌لاتی 250 هزار دیناران وه‌كو پێشه‌كی بده‌ت.
- ل ده‌مێ ئه‌نجامدانا كرین و فروتن ل سه‌ر هه‌ر ترۆمبێله‌كێ كۆ پاره‌یێ سزایی ل سه‌ر بیت، دشێت پاره‌ی نه‌ده‌ت و بكه‌ته قست و بكه‌ڤیته سه‌ر لایه‌نێ كریار، ب مه‌رجه‌كی كۆ هه‌ردو لایه‌ن كریار و فرۆشیا ل سه‌ر رازی بن و كریار ل هاتنوچونێ سوزنامه‌یه‌كێ بده‌ت كۆ پاره‌یی ل ده‌مێ ساله‌كێ بده‌ت.
- ل ده‌مێ ب سه‌رڤه‌چوونا سالنامه‌یێ و خرڤه‌بوونا پاره‌یه‌كی زۆر یێ سزایێ هاتنوچونێ، رێك ب نوكرنا سالنامه‌یێ دهێته دان ب مه‌رجه‌كی خودانێ ترۆمبێلێ سوزنامه‌یه‌كێ بده‌ت كو ل ماوه‌یێ ساله‌كێ دا وی پاره‌یێ سزای بده‌ت، سالنامه‌ژی بۆ ماوه‌یێ ساله‌كێ دێ هێته نووكرن.
- پشكنینیا ترۆمبێلێن ل ده‌مێ كرین و فرۆتنێ دا كو به‌ریا نها بتنێ بۆ ماوه‌یێ شه‌ش هه‌یڤان پێ دهاته دان، نوكه دێ بۆ ماوه‌یێ ساله‌كێ كۆ ئه‌ڤه ژی بۆ شوفێر و وه‌لاتیان هێسنكاریه‌كا باشه.