هاتنوچوونا پارێزگه‌ها دهۆكێ 28 كارمه‌ندان دێ دامه‌زرینیت
ئه‌ڤرۆ:
رێڤه‌به‌ریا هاتنوچوونا پارێزگه‌ها دهۆكێ دیار كر، ئه‌و دێ 28 كارمه‌ندان ب شێوێ گرێبه‌ست ل سه‌ر میلاكێ رێڤه‌به‌ریا هاتنوچوونێ دێ هێنه دامه‌زراندن.
ئاشكرا ژی كریه كو ئه‌و گرێبه‌سته دێ ب ڤی ره‌نگێ ل خوارێ بن:
1- نه‌ه كارمه‌ند بۆ شۆفێریا كرێنێ، پێدڤیه مۆهله‌تا هاژۆتنا گشتی هه‌بیت و باوه‌رنامه مه‌رج نینه.
2- سێ كارمه‌ند بۆ شۆفێریا ترۆمبێلێن بۆیاغێ، پێدڤیه مۆهله‌تا هاژۆتنا گشتی هه‌بیت و ده‌رچوویێن ئاماده‌یا پیشه‌سازی پشكا میكانیكی بن.
3- شه‌ش كارمه‌ند بۆ كاروبارێن بۆیاغێ، پێدڤیه باوه‌رناما ئاماده‌یی زێده‌تر نه‌بیت.
4- 10 كارمه‌ند بۆ كارگه‌ها تابلۆیان و گرێدانا تابلۆیێن ترۆمبێلان.
هاتنوچوونا پارێزگه‌ها دهۆكێ خویا ژی كریه كو هه‌ر كه‌سه‌كێ بڤێت پێشكێشی وان ده‌لیڤێن كاری بكه‌ت، دشێت به‌لگه‌نامه‌یێن پێدڤی ل گه‌ل خوه ببه‌ت و سه‌ره‌دانا رێڤه‌به‌ریا هاتنوچوونا پارێزگه‌ها دهۆكێ ل دۆمیز بكه‌ت.
