هاتيه نووكرن: سه‌رۆكێ يانا دهۆك ده‌ست ژ كار كێشا
ئه‌ڤرۆ نيوز، هه‌ژار مه‌عرۆف:
د كۆنگره‌كێ رۆژنامه‌ڤانى دا، سه‌رۆكێ يانا دهۆك، كاوه فه‌يسه‌ل ده‌ست ژ كاركێشانا خوه ژ پۆستێ سه‌رۆكاتيا يانا دهۆكێ راگه‌هاند.
به‌رى ده‌مه‌كێ كێم ل يانا دهۆك يا وه‌رزشى د كۆنگره‌كێ رۆژنامه‌ڤانى دا كاوه فه‌يسه‌ل گۆت: “من ده‌ست ژ كاركێشانا خوه راگه‌هاند”.
زێده‌تر گۆت: “دبيت كه‌سه‌كێ دى بهێته جهێ من و بشێت پتر خزمه‌تا يانێ بكه‌ت و پتر بشێت پێش بێخيت”.
ئاماژه ب وێ چه‌ندێ ژى كر كو د سه‌ر ده‌ست ژ كاركێشانا خوه را ئه‌و دێ هه‌ر پشته‌ڤانه‌كێ باشێ يانا دهۆك بيت.
ل دۆر ئه‌گه‌رێ ده‌ست ژ كاركێشانێ ژى گۆت: “ئه‌ز گه‌هشتمه وێ راستيێ كو ل دووڤ شيانێن خوه نه‌شێين زێده‌تر پاره‌يى بۆ يانێ په‌يدا بكه‌ن و دبيت كه‌سه‌كێ دى بهێت پشته‌ڤانيا وى بهێته كرن و بشێت كارێن يانێ ب رێڤه بچن، ب ڤى ئه‌نگى ئه‌ز نه‌يێ ئارامم و من ده‌ستێ خوه بۆ گه‌له‌ك جهان درێژ كرن، د بێ مفا بوون”.
دا زانين ژى كو ئه‌ڤ ساله ئه‌نجامێن يانێ گه‌له‌ك د باشن و گۆت: “هيڤى دكه‌م يێ بهێته جهێ من بشێت به‌رده‌واميێ بده‌ته سه‌ركه‌فتنێن مه”.
نه‌ڤه‌شارت ژى كو هه‌تا نوكه ده‌ست ژ كاركێشانا وى نه‌هاتيه قه‌بوولكرن، به‌لێ گۆت: “ئه‌ڤه بڕيارا من يا دووماهيێ يه”.
