هاتیه نووكرن..بەرەڤانیا باژێرێ دهوکێ 20 هاولاتی قورتالکرن
ئه‌ڤرۆ نیوز:
رائد مافپەروەر ، بێوار عبدالعزیز حمید بەرپرسێ پەیوەندی و راگەهاندنا بەڕەڤانیا باژێرێ دهوكێ بۆ ئه‌ڤرۆ نیوز دیاركر ئەڤرو ل دەمژمێر 4:30 تیمێن بەرەڤانیا باژێرێ دهوکێ هاتنە ئاگەهدارکرن کو رودانەکا ئاگری ل تاخێ بەروشکێ روودایه، پشتی گه‌هشتنا تیمێن وان دیاربو کو ئاگر بەربویە کوگەهەکا هەلگرتنا کەلوپەلان و سەردا شقێن ئاکنجی بونێ نە و تیمێن وان شیان خێزانین ئاکنجی دناڤا ئاڤاهیدا برێکێن تایبەت ببەنە سەربانی و د وێرێ را برێکا ترومبێلا قورتالکرنێ (سلم) 20 هاولاتیان قورتال بکه‌ن و پشتی ماوەکێ شیان کونترولا ئاگری بکەن .
بێوار عبدالعزیز به‌حسێ زیانێن ماددی كر و گۆت” گه‌له‌ك زیانێن مادى ب کوگەهێ کەفتن و خوشبەختانە چ زیانێن گیانی نەبون.
