هزار و557 فه‌رمانبه‌رێن بێ باوه‌رنامه پله ئێك پێ هاتيه دان
ئه‌ڤرۆنيوز:
به‌رپرسه‌كێ ده‌سته‌يا ده‌ستپاكيێ ل هه‌رێما كوردستانێ ئاشكراكر كو وان ل سالا 2014 ده‌ست ب دووڤچوونێ دپرسا پله بلندكرنا فه‌رمانبه‌رێن پله ئێك ودو وسێ كريه كو ب سه‌دان فه‌رمانبه‌ر ب شێوه‌كێ نه‌قانوونى يێن هاتينه پله بلندكرن وئه‌ڤ چه‌نده مه بۆ سه‌رۆكاتيا حوكمه‌تا هه‌رێمێ ڤرێكرى.
موشير ره‌شيد رێڤه‌به‌رێ گشتيێ كاروبارێن قانوونى ل ده‌سته‌يا ده‌ستپاكيێ ل هه‌رێما كوردستانێ گۆت” دگه‌له‌ك ژوان حاله‌تان دا بێ پيڤه‌رێ باوه‌رنامێ وخزمه‌تێ پله يێن هاتينه بلندكرن ب جۆره‌كێ هزار و557 كه‌سێن بێ باوه‌رنامه يێن هاتينه پله بلندكرن دناڤبه‌را پله ئێك ودو و سێ دا، كو ئه‌و پله‌نه يێن كو نابيت باوه‌رناما ئه‌و فه‌رمانبه‌ري بگه‌هيتێ ژزانكۆيێ كێمتر بيت”.
موشيرى زێده‌تر بۆ وشه گۆت” هنده‌ك فه‌رمانبه‌رێن پله تايبه‌ت يێن هه‌ى كوهه‌ر باوه‌رنامه نينه يان باوه‌رناما وان سه‌ره‌تايى يان ئاماده‌يى يه، هه‌رچه‌نده هێشتا پێدڤيه هووربينى ددوسێيێن پله تايبه‌ت وفه‌رمانبه‌ران دا بهێته كرن”.
دياركر” كۆمه‌كا پێشنيازان ل دۆرخانه‌نشينيا نه‌قانوونى وپله تايبه‌ت يێن هاتينه هنارتن بۆ حوكمه‌تێ وسه‌رۆكاتيا هه‌رێما كوردستانێ، ل سالا 2016 حوكمه‌تێ نڤيسار بۆ رێڤه‌به‌ريا ميلاكاتا ل وه‌زاره‌تا دارايى هنارتيه بۆ هووربينيێ ددوسيێن پله تايبه‌ت وفه‌رمانبه‌ران دا، به‌لێ ئه‌و چه‌نده نه‌هاتيه بجهئينان، له‌وما هه‌بوونا قانوونه‌كا چاكسازيێ ب پێدڤى دهێته زانين”.
