هزره‌كا ڤه‌وه‌راندی
هزره‌كا ڤه‌وه‌راندی
عه‌لی به‌ندی
چ ل وی وه‌لاتی بكه‌م
یێ من تێدا جهه‌ك نه بیت
ئه ز چ ل وی واری بكه‌م
مافێ من تێدا یێ به‌رزه‌بیت
چ بێژمه وێ ئاخا هه
یا ب په‌ستالێن
بێ وژدان و جه‌رده‌چیان
بێ ده‌ستنڤێژ بوویی
له‌وتاندی،
چ ل وێ مۆزه‌خانێ بكه‌م
یا ب قێژیێن پاشایه‌كا
ڤی باژێرێ ئه‌نفالكری
ده‌رز كه‌فتینێ
كه‌ڤاله‌كێ بێ ره‌نگ
بێ خاتر خواستن
ژ رۆندكا خوه نماندی،
خوه ناده مه ل ژێر سیبه‌را
وی تابلۆیێ ترس و سه‌همێ
ژ دیمه‌نێن دارقه‌سپه‌كا
بیابانا بێ وه‌فا
خوه نه خشاندی،
چ ل وێ ئازادیێ بكه‌م
یا خه‌ونێن من ل قناره داین
چرایێ هیڤیان تاریكرین
به‌رهه‌مێ مشتاخا
ساله‌ها سال
كابرایه‌كێ ئه‌نفالچی
تالان بكه‌ت
لێ ببیت خودان،
ئه ز خوجهێ ڤی وه‌لاتی
ببمه ڕه‌ڤه‌ند… باژێرێ من
بۆ من ببیت زیندان،
ل به‌ر سه‌ما
برسقێنا ستێران
شه‌هینا شێران
د خه‌و دچم،
ژ شه‌رما عه‌شقه‌كا
سه‌رابگرتی
تێم هنگاڤتن
قالبێ من د سه‌كه‌راتێ دا
ژ دل سۆتنی دا یێ دبهوژیت،
ل عه‌رعه‌رێ
د ناڤ گومێن خوێ دا
دكه‌ڤیت لیتكا،
ب نینۆكا جه‌رگێ بیابانێ دكۆلیت
ژ به‌ر قێژیێن قه‌رقودێ من
ده‌شت و چیا
هه‌می هژیان ..
