هـەلـوەستێ دوومـاهیێ یێ ئەمـریکا جهێ دلخوەشیێ یە
مەزلوم عەبدی فەرماندارێ گشتی یێ هێزێن سووریا دیموکرات د داخۆیانیەکێ دا راگەهاند، ئەمریکا ژ ئێرشێن ڤێ دووماهیێ یێن تورکیا دلگرانە و د هەڤدیتنا دووماهیێ ل گەل بەرپرسێن ئەمریکا دا وان سۆز داینە دێ ئێرشێن تورکیا ڕاگرن، چونکی ئەمریکی ژی باش دزانن ئێرشێن نها یێن تورکیا زیانەکا مەزن بۆ وەلاتیێن سڤیل هەیە و هەروەسا وەکو هێزێن سووریا دیموکرات وان چو بەهانە ژی نەداینە دەستێ تورکیا دا ئێرشی رۆژئاڤایێ کوردستانێ بکەت.
ناڤهاتی ئەو یەک ژی دیار کر، هەلوەستێ نها یێ ئەمریکا جهێ دلخوەشیێ یە، ئەمریکی ژی باش دزانن وەکو رۆژئاڤایێ کوردستانێ ئەم چو دەمەکێ نەبووینە مەترسی بۆ تورکیا، بەلکو ئێرشێن تورکیا دێ بنە ئەگەرێ بهێزبوونا داعشێ و گرۆپێن دی یێن تیرۆرستی، ژ بەر ڤێ یەکێ ژی بەرپرسێن ئەمریکا سۆز داینە دێ ئێرشێن تورکیا ڕاگرن و ئەو یەک ژی جهێ دلخوەشیێ یە.
