هلخەلتاندن و چەواشەكاری
عارف روشدی
کۆمەکا دەستە و کەسێن بەرزە و ڤەشارتی = و هەلپەرەستێن خوەپەرست ب رێکخستنێ کار دکەن و دراسپاردن ئەو تشتێ داگیرکەران نەشیایە بکەن وەکی ئەرکەکێ جێبەجێ بکەن، ژبەر هندێ ب هەر رێکەکێ بۆ وان ببیت ب تایبەتی ژ رێیا کەنالێن راگەهاندنێ مژویلێ بەلاڤکرنا ژەهرا بێهیڤی و وابەستەیی و خوە رادەستکرنێنە دا کو کار گەهشتیە ئاستەکی پەنایێ دبەنە بەر زەقکرنا هندەک کێم و کۆڕیان ب مەبەستا بریندارکرنا هزاران خێزانێن شەهید و تێکۆشەرێن پێشمەرگەی و سیاسی و هەمی بزاڤا کوردایەتیێ ب شێوەیەکێ، وەک هندی بیت (خوە بدەستڤەدان و ملکەچبوون و خوە هەلاندن د ناڤ بوتەیا گەلێ سەردەست دا سەرکەفتن بیت؟!) د دەمەکێ دا هەر کەسەکێ هندەک خاوەن غیرەت و ویژدان بیت دێ ژ ڤێ راستیێ تێگەهیت ئەڤ ژینگەها ئازاد یا ئەڤرۆ تێدا دژین ئەنجامێ قووناغا شۆرش و بەرخۆدانا دژی دوژمنانە و ئەگەر تەژمێ بیرا نەتەوەیی و نیشتمانی د برەودا نەبیت و پێگەهێ مە یێ سیاسی و یاسایی نەبیت وەکی ئاردێ د ناڤ دریان دا لێ دێت و ناسناما مە دێ ون دا و بێ سەروشوێن بیت. ب مخابنی ڤە دوور ژ هەر هەستەکێ نەتەوەیی یێ مرۆڤایەتی ل ژێر درووشمێ بێ ناڤەرۆک و بێ واتایێ (برایەتیا گەلان و خوە هەلاندنێ دا) هەلگرێن بیرا دارۆخان و خوە رادەستکرنێ شەرمێ ژ چو کریارەکا کرێت ناکەن د دەمەکێ دا ئەو تشتێ ل هەرێما کوردستانێ دا، ل هەمی وارێن ژیانێ دا هاتیە ئەنجامدان و دهێتە ئەنجامدان بۆ چەندین سالێن بهێت ل بەغدا ژبەر دواکەفتنا سیاسی و جڤاکی جێبەجێ نابیت. ل ڤێرە ئاماژەیێ ب ڤێ نموونەیێ دکەم؛
