هنارتنا په‌ترۆلا كه‌ركووك هاته راگرتن
ئه‌ڤرۆ نيوز:
هنارتنا په‌ترۆلا كه‌ركووك بۆ به‌نده‌رێ جيهان يێ توركيا هاته راگرتن و به‌رپرسه‌كێ كۆمپانيا په‌ترۆلا باكوور ژى ئاشكه‌را كر كو به‌رهه‌مئينانا په‌ترۆلێ يا به‌رده‌وامه، به‌لێ هنارتن هاتيه راگرتن.
ئه‌حمه‌د عه‌سكه‌رى، سه‌رۆكێ لژنا نه‌فت و گازێ ل جڤاتا پارێزگه‌ها كه‌ركووك بۆ “تۆڕا ميديايا گۆڕان” راگه‌هاند: “ئه‌ڤرۆ رۆژا چارشه‌مبى رێكه‌فتى 13ى گۆلانا 2015ێ ئه‌و هاتينه ئاگه‌هداركرن كو هنارتنا په‌ترۆلا كه‌ركووك هاتيه راگرتن و ئه‌گه‌رێن وێ ژى د ته‌كنيكى نه ژ لايێ توركيا ڤه، نوكه ژى تيمێن چاككرنێ مژوولى چاره‌كرنا كێشانه و ئه‌م ژى نوزانين ئه‌گه‌ر چنه”.
نوكه ئاستێ هنارتنا په‌ترۆلا كه‌ركووك د رۆژه‌كێ دا ژ 300 هزار به‌رميلان بۆريه و فه‌رهاد حه‌مزه شيره‌تكارێ كۆمپانيا په‌ترۆلا باكور ژى دبێژيت: “سه‌ره‌رايى راوه‌ستاندنا هنارتنا په‌ترۆلێ ژ كه‌ركووك، به‌لێ به‌رهه‌مئينان يا به‌رده‌وامه”.