هنارتنا په‌ترۆلا هه‌رێمێ بۆ توركيا ده‌سپێكره ڤه
ئه‌ڤرۆ نيوز:
به‌رپرسه‌كێ توركيا راگه‌هاند كو جاره‌كا دى هنارتنا په‌ترۆلێ د رێيا بۆريێن هه‌رێما كوردستانێ دا گه‌هشته به‌نده‌را جيهان.
ئه‌ڤى به‌رپرسێ پله بلندێ كۆمپانيا “بۆتاش” يا توركى راگه‌هاند: “دووباره په‌ترۆل د رێيا بۆريێن په‌ترۆلێ يێن هه‌رێما كوردستانێ را گه‌هشته به‌نده‌را جيهان يا توركى ل سه‌ر ده‌ريا ناڤه‌راست”.
ئه‌وى به‌رپرسێ ناڤێ وى نه‌هاتيه دياركرن ئه‌و چه‌نده ژى ئاشكه‌را كر كو پشتى گرتنا په‌ترۆلێ ل دووشه‌مبيا بۆرى، ئه‌ڤرۆ رۆژا ئێكشه‌مبى ئه‌و په‌ترۆله د رێيا وان بۆريان دا دووباره هاته هنارتن.
به‌رى راگرتنا په‌ترۆلێ ژ ئه‌گه‌رێ كێشێن ته‌كنيكى، رۆژانه نێزيكى 450 هزار به‌ميلێن په‌ترۆلا هه‌رێمێ و كه‌ركووكێ د رێيا ئه‌وان بۆريان دا دگه‌هشته به‌نده‌رێ جيهان يێ توركى.
