هنده‌ك كۆچبه‌ران ده‌ستدرێژيا سكسى كريه سه‌ر كچ و ژنێن ئه‌لمانى
ئه‌ڤرۆ نيوز:
ل شه‌ڤا سه‌رێ سالێ ل باژێرێ كولن يێ ئه‌لمانيا چه‌ند كۆچبه‌رێن عه‌ره‌ب و ئه‌فريقيا ده‌ستدرێژيا سكسى كريه سه‌ر كچ و ژنێن ئه‌لمانى و ب تنێ د شه‌ڤا سه‌رێ سالێ دا 90 حاله‌ت هاتينه تۆماركرن.
پۆليسێن كۆلن راگه‌هاند كو د شه‌ڤا سه‌رێ سالێ دا 90 حاله‌تێن ژ ڤى ره‌نگى هاتينه تۆماركرن و ڤێ چه‌ندێ ژى ده‌نگۆيه‌كێ زۆر د ميديا ئه‌لمانى و جيهانى دا هه‌بوويه.
90 كچ و ژنێن ئه‌لمانى ل باژێرێ كۆلن سكالا تۆماركرينه و ب گۆره‌ى گۆتنێن وان هنده‌ك كه‌سان ده‌ستدرێژى كريه سه‌ر و دبێژن كو سيمايێ وان وه‌كو يێن كۆچبه‌رێن باكوورێ ئه‌فريقيا و عه‌ره‌ب بوون.
كوره‌كێ ئه‌فغانى كو روودان ب چاڤێن خوه ديتينه دياركر كو شه‌ڤا سه‌رێ سالێ هنده‌ك كۆچبه‌ر كو خه‌لكێ سوريا بوون، دزى ژ كچ و ژنان دكرن و مۆبايل ژ ده‌ستى دئينانه ده‌ر و ئه‌وان ژى هاوار دكر و د دياربوون كو ئه‌و د سه‌رخوه‌ش بوون.
ژێده‌ر: رووداو
