هه‌تا نوكه هزار و 181 حه‌جيێن هه‌رێما كوردستانێ گه‌هشتينه سعوديێ
ئه‌ڤرۆ نيوز:
پشتى ده‌سپێكرنا گه‌شتێن حه‌جيێن هه‌رێما كوردستانێ بۆ وه‌لاتێ سعودى، ژ سه‌رجه‌مێ پێنج هزار و 469 حه‌جيێن پارێزگه‌هێن هه‌رێما كوردستانێ، هه‌تا نوكه هزار و 181 حه‌جى گه‌هشتينه سعوديێ.
تيما راگه‌هاندنا رێڤه‌به‌ريا گشتى يا حه‌ج و عومرێ ل هه‌رێما كوردستانێ راگه‌هاند كو پشتى ده‌سپێكرنا گه‌شتێن حه‌جيێن هه‌رێما كوردستانێ بۆ وه‌لاتێ سعودى، ژ سه‌رجه‌مێ پێنج هزار و 469 حه‌جيێن پارێزگه‌هێن هه‌رێما كوردستانێ، هه‌تا نوكه هزار و 181 حه‌جى ب رێيا هه‌ردو فرۆكخانێن هه‌ولێر و سلێمانيێ گه‌هشتينه باژێرێ مه‌دينا پيرۆز ل وه‌لاتێ سعوديێ.
رۆژا شه‌مبيا بهێت 28ى تيرمه‌ها 2018ێ پشتى مانا كاروانێ وان بۆ ماوێ پێنج رۆژان ل مه‌دينێ، دێ حه‌جيێن هه‌رێمێ ب رێ كه‌ڤن بۆ باژێرێ مه‌ككه‌ها پيرۆز.
گه‌شتێن ڤه‌گوهاستنا حه‌جيان د به‌رده‌وامن و دێ رۆژا 9ى ته‌باخا 2018ێ دووماهى كاروانێ حه‌جيێين هه‌رێما كوردستانێ گه‌هنه وه‌لاتێ سعوديێ.