هه‌ده‌پێ كانديدێن خوه دانه نياسين
ئه‌ڤرۆ نيوز:
پارتا ديموكراتا گه‌لان، HDP د ئاهه‌نگه‌كێ دا ل ئه‌نقه‌ره، 550 كانديدێن خوه بۆ هه‌لبژارتنێن په‌رله‌مانێ توركيا بۆ جه‌ماوه‌رى دانه نياسين ئه‌وێن دێ هه‌ڤركيێ ل سه‌ر كورسيێن په‌رله‌مانێ توركيا ل گه‌ل ليستێن دى كه‌ن.
HDP ئاهه‌نگه‌كا مه‌زن ل ئه‌نقه‌ره گێرا و د ئاهه‌نگێ دا هه‌درو هه‌ڤسه‌رۆكێن وێ پارتيێ، فيكان يۆكسه‌كداغ و سه‌لاحه‌دين ده‌ميرتاش گۆتار پێشكێشكرن و د گۆتارێن خوه دا به‌حس ل رۆلێ HDP د داهاتيێ توركيا دا كر.
يوكسه‌كداغ راگه‌هاند: HDP دێ بۆ ئاڤاكرنا ژيانه‌كا نوو ل توركيا كار كه‌ت، ده‌ميرتاش ژى گۆت: “HDP ليستا هه‌موو خه‌لكێ توركيايه ب كورد و تورك و ئه‌رمه‌ن و ئێزدى ڤه، لايه‌نێن دى بزاڤێ دكه‌ن بگه‌هنه ده‌سته‌لاتێ، به‌لێ مه دڤێت ده‌نگ و ره‌نگێ هه‌موو پێكهاتێن توركيا بين”.