هه‌رسێ ئایینێن سه‌ره‌كى یێن هه‌رێما كوردستانێ دێ نامه‌كێ گه‌هیننه مسرێ
ئه‌ڤرۆنیوز: كاروان باعه‌درى:
ئه‌ڤرۆ شانده‌ك ژ حكومه‌تا هه‌رێما كوردستانێ دێ سه‌ره‌دانا وه‌لاتێ مسرێ كه‌ت و دێ ل گه‌ل موفیتی دیارى مسرێ و شیخێن ئه‌زهه‌ر و ئه‌نبا توازرس پاپایێ كه‌نیسه‌یێ قبتیه كومببن.
ریڤه‌به‌رێ كاروبارێن ئێزدیان ل پاریزگه‌ها دهۆكێ هادى دوبانى بۆ ئه‌ڤرۆ نیوز گۆت: ئه‌ڤ شانده پێكهاتیه ژ سێ نوینه‌رێن ئایینێن سه‌ره‌كى یێن هه‌رێما كوردستانێ ب سه‌روكاتیا خه‌یرى بۆزانى ریڤه‌به‌رێ گشتیێ كاروبارین ئیزدیان و خالد جمال ریڤه‌به‌رێ كاروبارین مه‌سیحیان و مه‌ریوان نه‌قشه‌به‌ندى به‌رپرسێ په‌یوه‌ندیین ئه‌وقافێ.
ناڤهاتی زیده‌تر گۆت: ئه‌ڤ هه‌رسێ نۆینه‌ره دێ نامه‌یه‌كێ گه‌هیننه وان و د وێ نامێ دا ره‌وشا وان كچ و ژنێن ئێزدى یێن دده‌ستێ داعشێ گه‌هیننه وان . كو ئه‌و تیدا ئه‌و هه‌لویستێ خۆ دیاركه‌ن لهه‌مبه‌رێ ڤێ چه‌ندێ و وێ نامێ بگه‌هیینه جیهانا عه‌ره‌بى و ئیسلامى ته‌ڤایێ .
