هه‌رێما كوردستانێ وئيرانێ رێككه‌فتن دچه‌ندين بواران دا ئيمزاكرن
ئه‌ڤرۆنيوز:
حوكمه‌تا هه‌رێما كوردستانێ وكۆمارا ئيسلامى يا ئيرانێ دكۆنفرانسه‌كێ دو رۆژى دا كو ل هه‌ولێرێ هاتيه ئه‌نجامدان، رێككه‌فتنه‌ك ئيمزاكر كو ب وێ رێككه‌فتنێ ئاستێ په‌يوه‌نديێن ئابوورى دێ چيته دقۆناغه‌كا جودا دا.
ل رۆژێن 2 و3 ڤێ هه‌يڤێ، كۆنفرانسه‌كێ ئابوورى ژلايێ به‌رپرسێن ژۆرێن بازرگانى وپيشه‌سازى ل هه‌رێما كوردستانێ ب به‌رهه‌ڤبوونا به‌رپرسێن بلند يێن كۆمارا ئيسلامى يا ئيرانێ ل هه‌ولێرێ ئه‌نجامدا كو پشتى ب دووماهى هاتنا وى كۆنفرانسى، دارا جه‌ليل خه‌يات سه‌رۆكێ ژۆرێن بازرگانى وپيشه‌سازى ل هه‌رێما كوردستانێ راگه‌هاند، ئه‌نجامێن ڤى كۆنفرانسى گه‌له‌ك د ئه‌رينى بوون”.
داراى ل دووڤ مالپه‌رێ كوردستان تى ڤى گۆت” هه‌ردو لايه‌نان رێككه‌فتنه‌كا 12 خالى ئيمزاكر كو دێ بيته ئه‌گه‌رێ نه‌هێلانا گه‌له‌ك رێگريێن ل به‌رده‌م ئالوگوريێن بازرگانى دناڤبه‌را هه‌رێما كوردستانێ وئيرانێ”.
دياركر ژى” ئه‌و رێككه‌فتنه دێ بيته ئه‌گه‌رێ ده‌ستپێكرنا وه‌رزه‌كێ ئابووريێ نوو دناڤبه‌را هه‌رێما كوردستانێ وئيرانێ دا”.
ئه‌و رێككه‌فتنا بوارێن ڤه‌گۆهاستن وگه‌هاندنێ ودروستكرنا بازارێ سنوورى وگه‌شتيارى وهاريكاريێن هه‌ڤپشك يێن ئابوورى ب خوه‌ڤه دگريت.