ههرێم ب مهرج دێ دانپێدانێ ب هندهك زانكۆیان كهت
ههولێر، قائید میرۆ:
بریكارێ وهزارهتا خواندنا بلند ئاشكرا كر، بزاڤ ههنه بۆ چارهسهركرنا ئاریشهیا ههژمارهكا زانكۆیان ل ههرێما كوردستانێ و دهڤهرێن كوردستانی یێن دهرڤهی ئیدارهیا ههرێما كوردستانێ و دبێژیت: هندهك مهرج هاتینه دانان، كو دانپێدانا ب ئهوان زانكۆیان بهێته كرن.
عهبدولفهتاح عهبدولڕهزاق، بریكارێ وهزارهتا خواندنا بلند و ڤهكۆلینێن زانستی بۆ رۆژناما ئهڤرۆ دیار كر، ئهم ل گهل وهزارهتا خواندنا بلندا ئیراقێ ل دۆر دانپێدانا ب هندهك زانكۆیان كۆمبووینه و گۆت: “بهغدا دانپێدان ب ئهوان زانكۆیان كریه، بهلێ مه هندهك مهرج داناینه و ههژمارهكا زانكۆیێن دهڤهرێن كوردستانی ههنه پیڤهرێن مه بجه نائینن ژ لایێ كوالێتی و ههژمارا قوتابیان و دهوامێ ڤه، لهو ئهم ژ كوالێتیا وان زانكۆیان د رازی نینین”.
عهبدولفهتاح عهبدولڕهزاق گۆتژی: “بهغدا ژی دانپێدانێ ب هندهك پشكێن زانكۆیێن ههرێما كوردستانێ ناكهت، بهلێ دانپێدان ب ههموو زانكۆیێن سهر ب حوكمهتێ هاتیه كرن ب تنێ ئاریشه ل سهر زانكۆیێن ئههلی ههیه، ههكه بهێت و ئهو زانكۆیێن ئاریشه ل سهر ههی پیڤهرێن ههرێما كوردستانێ بجه بینن، بێگومان ئهم ژی دێ ههلویستێ خوه ل ههمبهر وان زانكۆیان گوهۆڕین و دانپێدانێ پێ كهین”.