هه‌ر تشت ده‌رباره‌ى ده‌سته‌سه‌ركرن و ئازادكرنا ڤى پۆليسێ هاتنوچوونێ
ئه‌ڤرۆ نيوز:
ل زێدەتریا تۆرێن جڤاکی داکوکی ل ھندێ دکرن کو پۆلیسێ ھاتنوچوونا قەزا زاخۆ ب ناڤێ (مەسعود نسرەدین) سەرا کۆمێنتەکا فیسبووکی ل بەرپرسەکێ زاخۆ ھاتیە دەستەسەرکرن، بەلێ رێڤەبەریا ھاتنوچوونێ ئەڤ چەندە رەتکر و سەدەم بۆ کارێن فەرمی یێ گرێدایی ھاتنوچوونآ ڤەگەراند.
نسرەدین عەبدۆلجەلیل بابێ مەسعودی کو ل ناڤ بازارێ زاخۆ دا کار دکەت، تایبەت بۆ رۆژناما ئەڤرۆ دیارکر کو دوھی رۆژا 12/6/2016ێ ل دەمژمێر دوی پشتی نیڤرۆ کورێ وی ھاتیە ئازادکرن و ھیچ تشتەک پشتراست نەکر کا کورێ وی ل سەر چ ھاتیە گرتن، و گۆت: “من سەرەدانا گرتیخانێ کر لێ بۆ مە دیارکر د حەفتیێ دا دو رۆژان سەرەدانا زەلام و ژنان ھەیە و ئەو رۆژا ئەز چوویم نەیا سەرەدانێ بوو ژبەر ڤێ چەندێ من کوڕێ خوە نەدیتبوو و جلکێن من بۆ برین پۆلیسان ژ من وەرگرتن و دانە کوڕێ من بێ کو بینم”.
ناڤبری گۆت: ” ژ پێنجەشەمبیا بۆری وەرە کوڕێ وی د گرتیخانێ دابوو ل دھۆکێ و ھیچ پەیوەندی ژی دناڤبەرا وان دا نەمابوون”.
ل تورێن جڤاکی دەنگۆیێ وێ چەندێ بەلاڤببوو کو گرتنا وی سەرا کۆمێنتەکێ یە ل سەر بەرپرسەکی نڤیسیبوو”خودێ بەلا ڤان دز و گەندەلان ژ ڤی خەلکی ڤەکەت”
رۆژناما ئەڤرۆ بزاڤ کرن کو مەسعود نسرەدین باخڤیت، بەلێ ب ھیچ رەنگەکێ ئامادە نەبوو بو باخڤیت.
پۆلیسێن ھاتنوچوونێ ل زاخۆ د راگەھاندنەکێ دا دیارکریە کو گرتنا پۆلیسێ وان نە ژبەر کۆمێنتا فیسبوکێ بوویە، بەلکو سەرا نەپێگیرکرنێ ب دەوامێ بوویە.
