هه‌ر رۆژ پیتزا ددا ڤی داعشی
ئه‌ڤرۆ نیوز، ڤه‌ده‌ر سوبحى
ئیسلامیه‌كێ توندره‌و یێ بریتانی دبێژیت كو پولیسێن توركی هه‌ر ڤۆژ پیتزا دومینۆ ددا وی ل زیندانێ ، به‌ری وی راده‌ستی داعش بكه‌ن به‌رامبه‌ر ئازادكرنا دپلوماتكارێن توركی یێن دده‌ستێ داعش دا.
شاباز سولێمان یێ 19 سالی كو به‌ریا نها قوتابیێ خاندنگه‌ها گرامه‌ر یا شاهانه بوو ل بریتانیا ئێك ژ وان 180 چه‌كدارێن داعشه كو ژ ئالیێ توركیا راده‌ستی داعش هاتبوونه كرن ژبۆ وێ یه‌كی داعش ژی 46 دیپلوماتكارێن توركیا كو ل موسل كه‌تبوونه ده‌ستێ وان ئازاد بكه‌ت ڤێ یه‌كێ ژی ره‌خنێن گه‌له‌ك ئالیان بو توركیا ئینابوون.
ئێك ژ وان چه‌كدارێن داعش بو بناڤێ شاباز ئێكه‌م جار د ئاخڤیت و دیاردكه‌ت ده‌مێ ئه‌و ل توركیا وان تورا ئینتێرنێتێ هه‌بوو و وان به‌رده‌وام په‌یوه‌ندی دگه‌ل داعش هه‌بوو و پولیسێن توركی گه‌له‌ك هه‌ڤخه‌م و باش بوون ل گه‌ل وان و حه‌تا وی راده‌ی رۆژانه بۆ پیتزا لسه‌ر وان به‌لاڤ دكر و رێ دامه سرۆدێن داعش بێژین و گوهداریا مه دكر.
ژ ئالیێ خوه‌ڤه ماموستایێن بریتانی یێن ڤی كه‌سی دبێژن كو شاباز قوتابیه‌كێ باش و زیره‌ك بو لێ ئه‌و باوه‌رن برێیا تورا جڤاكیا تویته‌ری هاتیه توندره‌وكرن و چوویه سوریا شه‌ری بكه‌ت دناڤ ریزین داعش دا.
