هه‌كه حوكمه‌ت دده‌مێ خوه دا نه‌هێته پێكئينان كه‌سه‌كێ دى دێ هێته راسپاردن
ئەڤرۆ نیۆز، قائید میرۆ:
پێنگاڤێن پێک ئینانا حوکمەتا نوویا عێراقێ ئەڤرۆ رۆژا ئێک شەمبی ھاتینە دەستپێکرن و پەرلەمانتارەکژی دبێژیت، پێشبینی دکەین ددەمێ ٣٠ رۆژاندا کابینا نوویا حوکمەتێ بھێتە پێک ئینان.
ھەدار بارزانی، پەرلەمانتارا پارتی لپەرلەمانێ عێراقێ بۆ ئەڤرۆ نیۆز دیارکر ” پێشبینی دھێتەکرن ددەمێ خوە یێ قانوونی دا عادل عەبدولمەھدی بکاریت کابینا نوویا حوکمەتا عێراقێ پێک بینە، ژبەرکو ھەموو ئالیێن سیاسی پشتەڤانیا بۆ پێک ئینانا حوکمەتا نوو نیشاندایە و سۆزدایە ھاریکاریا بەربژێرێ سەرۆک وەزیران بکەن.
ل دۆر دەربازبوونا دەمێ قانوونی ھەدار بارزانی دبێژیت” پشتی دەست بکاربوونا سەرۆک کۆمارێ عێراقێ گورەی دستووری تنێ ٣٠ رۆژ لپێش بەربژێرێ سەرۆک وەزیران بۆ پێک ئینانا کابینا، بەرۆڤاژی دەمێ ٣٠ رۆژاندا حوکمەت نەھێتە پێک ئینان دێ بەربژێرەکێ ھێتە راستپاردن ددەمێ ١٥ رۆژاندا حوکمەتێ پێک بینە.
