هه‌لبژارتنا سه‌رۆكێ كۆمارا عيراقێ بۆ سوباهى هاته پاشخستن
ئه‌ڤرۆنيوز:
ژێده‌ره‌كى ژناڤ ئاڤاهيێ په‌رله‌مانێ عيراقێ بۆ ئه‌ڤرۆنيوز دياركر، بريار بوو ئه‌ڤرۆ ل ده‌مژمێر 8شه‌ڤێ، په‌رله‌مانێ عيراقێ روونشتنه‌كێ بكه‌ت بۆ هه‌لبژارتنا سه‌رۆكێ كۆمارا عيراقێ، به‌لێ كۆمبوون هاته پاشخستن بۆ سوباهى.
ئه‌مجه‌د ته‌ليع، رۆژنامه‌ڤان بۆ ئه‌ڤرۆنيوز گۆت” 158 په‌رله‌مانتار د روونشتنا ئه‌ڤرۆ يا په‌رله‌مانێ عيراقێ به‌رهه‌ڤ بوون، به‌لێ نيسابێ قانوونى يێ روونشتنا په‌رله‌مانى تمام نه‌بوو”.
گۆت ژى” بريار هاته دان ل ده‌ژمێر 1 پشتى نيڤرۆيا سوباهى سێشه‌مبى 2/10/2018 روونشتنا په‌رله‌مانى بۆ هه‌لبژارتنا سه‌رۆكێ كۆمارا عيراقێ بهێته ئه‌نجامدان”.
