هه‌لبژارتیێ عیراقێ سێشه‌مبيا بهێت دێ گه‌هيته سعودى
ئه‌ڤرۆ نیۆز، قیس اسماعیل:
رێكخه‌رێ ئێكه‌تیا ته‌پا پێ يا عیراقێ ل سعوديێ راگه‌هاند كو ژ بوو پشكداريكرن د كاسا كه‌نداڤى دا، هه‌لبژارتیێ عیراقێ رۆژا سێشه‌مبيا بهێت دێ گه‌هيته جه‌ده يا پايته‌خت و هه‌مان رۆژدێ ليستا پێشكێشكرنا لێستا دووماهیێ يا هه‌لبژارتیێ عیراقێ یێن 23 یاریكه‌ر پێشكێش كه‌ت.
محه‌مه‌د ئيراهيم رێكخه‌رێ ئێكه‌تیا ته‌پا پێ يا عیراقێ ل سعوديێ بۆ ئه‌ڤرۆ نيوز گۆت: “ده‌رباره‌ى كارێ رۆژنامه‌ڤانان بۆ رۆمالكرنێ ئێكه‌تيا ناڤه‌ندى چو په‌يوه‌ندى پێڤه نينه و دێ ب رێيا ڤيزا وان بۆ ئيمێلێن وان هێته هنارتن”.
زێده‌تر گۆت: “شاندێ هه‌لبژارتيێ عيراقێ 50 كه‌سن د گه‌ل شانده‌كێ وه‌زارى كو بۆ ب هێزكرنا په‌يوه‌نديان ل گه‌ل وه‌لاتێن كه‌نداڤى دێ چيته وى وه‌لاتى”.
رێكخه‌رێ ئێكه‌تیا ته‌پا پێ يا عیراقێ ل سعوديێ گۆتژى: “جستن ميرام ياريكه‌رێ عيراقى ئه‌وێ ل ئه‌مريكا دژيت دێ پشكدار ڤێ قاره‌مانيێ بيت”.
كه‌سا كه‌نداڤى يا 22 ئه‌ڤ ساله دێ ل وه‌لاتێ سعودى بۆ وه‌لاتێن دكه‌ڤنه سه‌ر كه‌نداڤى ل 13 هه‌تا 26 ڤێ هه‌يڤێ هێته گێران و پێشتر لژنا رێكخه‌ريا ڤێ قاره‌مانيێ پشكداريا توخمێ مێ وه‌كو پشته‌ڤان د ناڤ ياريگه‌هان دا د ڤێ قاره‌مانيێ دا قه‌ده‌غه كربوو.