هه‌ليكوپته‌رێن ئيتالى گه‌هشتن
ئه‌ڤرۆ نيوز:
چار هه‌ليكۆپته‌رێن ئيتالى يێن جۆرێ “چينۆك” گه‌هشتنه هه‌رێما كوردستانێ و ستافه‌كێ تايبه‌تێ كورد و ئيتالى مه‌شقێ ل سه‌ر وان هه‌ليكۆپته‌ران دكه‌ن.
2015.2.11 سۆپاسالارێ ئيتاليا گه‌هشته هه‌رێما كوردستانێ و د داخۆيانيه‌كا رۆژنامه‌ڤانى دا راگه‌هاند كو ئيتاليا چار هه‌ليكۆپته‌رێن ژ جۆرێ “چينۆك” دێ ئێخيته د خزمه‌تا پێشمه‌رگه‌يى دا.
ب گۆره‌يى ئه‌و پێزانينێن باسنيۆز به‌لاڤكرين ئه‌ڤ چار هه‌ليكۆپته‌ره گه‌هشتينه هه‌رێما كوردستانێ و دێ ژ لايێ ستافه‌كێ كوردى وئيتالى ڤه مه‌شق ل سه‌ر هێته كرن.
ب گۆره‌يى زانياريێن وى مالپه‌رى ئه‌ڤ هه‌ليكۆپته‌ره ل فرۆكخانا كه‌ڤن يا هه‌ولێرن و پاشان دێ جهه‌كێ بنه‌جهـ بۆ هێته به‌رهه‌ڤكرن.
جه‌بار ياوه‌ر ئه‌ميندارێ گشتيێ وه‌زاره‌تا پێشمه‌رگه‌يى ل دۆر ڤان هه‌ليكۆپته‌ران بۆ باسنيۆز گۆت: “هێشتا مه داخۆيانيێن فه‌رمى ل سه‌ر وان هه‌ليكۆپته‌ران نينن”.
پێشتر سۆپاسالارێ ئيتاليا راگه‌هاند بوو كو ئه‌ڤ هه‌ليكۆپته‌ره دێ د ته‌رخانكرى بن بۆ ڤه‌گوهاستنا پێدڤيێن له‌شكرى و برينداران و ئه‌ڤه بۆ شه‌رى ب كار ناهێن.
