هه‌لگورد حكمه‌ت: هه‌كه په‌كه‌كه خوه نه‌ڤه‌كێشت دێ ده‌ڤه‌ر تووشى حاله‌تێن نه‌خواستیتر بیت
ئه‌ڤرۆ نیوز:
عه‌مید هه‌لگورد حكمه‌ت رێڤه‌به‌رێ گشتى یێ راگه‌هاندن و هشیاریا نیشتمانى ل وه‌زاره‌تا پێشمه‌رگه‌ى كریارا هێرشا فرۆكێن شه‌ركه‌ر یێن توركیا بۆ سه‌ر شنگالێ شه‌رمزار كر كو شه‌ش پێشمه‌رگه شه‌هید بوون و 8 پێشمه‌رگه برینداربووین و بۆ رۆژناما ئه‌ڤرۆ گۆت” زێده‌تر ژ ساله‌كێ یه ب رێیێن دبلوماسى و حزبێن سیاسى و لایه‌نێن دى ئه‌م كار ل سه‌ر هندێ دكه‌ین كو په‌كه‌كه ل شنگال خوه ڤه‌كێشیت ژبه‌ر كو ب نێرینا مه هه‌بوونا په‌كه‌كێ ل ڤێ ده‌ڤه‌رێ دێ بیته ئه‌گه‌رێ دروستبوونا شه‌ره‌كێ هه‌رێمایه‌تى و هه‌وا شه‌رێ فرۆكێن توركیا یێن دوهى بۆ سه‌ر شنگالێ نێرینا مه سه‌لماند، هیڤیدارین په‌كه‌كه هێزێن خوه ل ڤێ ده‌ڤه‌رێ ڤه‌كێشیت، ئه‌گه‌ر نه ره‌نگه ده‌ڤه‌ر تووشى حاله‌تێن زێده‌تر یێن نه‌خواستى ببیت كو د ئه‌نجام دا دێ زیانێن مه‌زن گه‌هنه خه‌لكێ ده‌ڤه‌رێ”
وه‌زاره‌تا پێشمه‌رگه‌ى ژى، د راگه‌هاندنه‌كێ دا ئاماژه ب وێ یه‌كێ كریه كو ئه‌و بۆمبه‌بارانكرنا فرۆكێن توركى بۆ سه‌ر چیایێ شنگالێ كرى ژ ئه‌نجامێ هه‌بوونا هێزا په‌كه‌كێ یه و توپبارانكرنا پێشمه‌رگه‌ى ژ ئالیێ فرۆكێن توركى ڤه جهێ قه‌بوولكرنێ نینه”.
