هه‌والگيريا ئه‌مريكا ده‌ست دهه‌لبژارتنێن 81 وه‌لاتان دا هه‌بوو
ئه‌ڤرۆنيوز:
به‌رپرسه‌كێ به‌رێ يێ ده‌زگه‌هێ هه‌والگيريا ئه‌مريكى (CIA) ئاشكرا كو هه‌والگيريا ئه‌مريكى كارێ ده‌ستێوه‌ردانێ دهه‌لبژارتنێن 81 وه‌لاتان دا كريه.
سايتێ رووسيا توده‌ى يێ رووسى به‌لاڤكر، دده‌مه‌كى دا به‌حسێ ل وێ چه‌ندێ دهێته كرن كو رووسيا ده‌ست خستيه دناڤ هه‌لبژارتنێن ئه‌مريكا دا، رۆژناما نيويوك تايمز يا ئه‌مريكى د راپۆرته‌كا خوه دا ئاشكرا دكه‌ت كو ده‌زگه‌هێ هه‌والگيريا ناڤه‌ندى يا ئه‌مريكى (CIA) دديرۆكا خوه دا ده‌ستێ خوه خستيه دهه‌لبژارتنێن پتريا وه‌لاتێن جيهانێ دا.
ستيڤن هۆل كو به‌رپرسه‌كێ به‌رێ يێ ده‌زگه‌هێ هه‌والگيريا ئه‌مريكى يه و بۆ ده‌مێ 30 سالان تێدا كاركريه، دبێژيت” هه‌كه پرسيارێ ژهه‌ر فه‌رمانبه‌ره‌كێ هه‌والگيريێ بكه‌ى ئايا رێسايا ياريان به‌زانديه، دێ به‌رسڤێ ب نه‌خير دده‌ت، دده‌مه‌كى ب ئه‌نقه‌ست هه‌والگيريا ئه‌مريكى ده‌ستێ خوه دئێخيته دناڤ كاروبارێن هه‌لبژارتنێن هه‌موو وه‌لاتان وئه‌ڤه هيڤيه‌كا ڤى ده‌زگه‌هى يه”.
هۆل دبێژيت”ژ سالا 1947 و وێڤه، ده‌ست هه‌والگيريا ئه‌مريكا ده‌ستێ خوه دئێخيته دناڤ هه‌لبژارتنێن وه‌لاتان دا، بۆ ڤێ چه‌ندێ ژى مه ناميلكه ولافيته وچه‌ندين تشتێن دى ژى يێن چاپكرين ومه پێزانينێن شاش ژى ل رۆژنامان به‌لاڤكرينه”.
دۆن ليڤين ژزانكۆيا كارينگى بۆ رۆژناما نيويۆرك تايمز گۆت” ئه‌مريكا ب رێيا هه‌والگيريێ ده‌ستێ خوه خستيه دناڤ 81 وه‌لاتان دا ژوان ژى هه‌لبژارتنێن سه‌رۆكاتيا ل رووسيا ل سالا 1996 وپشته‌ڤانيا بۆريس يه‌لتسينى كريه.
راپۆرتا ناڤبرى ئاماژێ دده‌ت كو ژبلى هه‌لبژارتنان، هه‌والگيريا ئه‌مريكى كاركريه بۆ لادانا چه‌ندين سه‌رۆكێن وه‌لاتان.
