هه‌وا ڤاكسيندانێ دژى فالنجا زارۆيان ده‌ستپێكر
ئه‌ڤرۆ نیوز، عه‌لی حاجی:
د داخویانیه‌كێ دا به‌رپرسێ راگه‌هاندنا ساخله‌میا زاخۆ بۆ ئه‌ڤرۆ نیوز ئاشكه‌را كر ل روژا ئێكه‌مبێ 28ى ئيلۆنا 2019ێ دێ هه‌وا ڤاكسیندانێ دژی ڤالنجا زارۆیان ل زاخۆ ده‌ست پێ كه‌ت و دێ بۆ ماوه‌یێ پێنچ رۆژان یا به‌رده‌وام بیت.
زێده‌تر ئه‌میر عه‌لی گۆت: بڕیاره ئه‌ڤرۆ ل روژا ئێك شه‌مبێ هه‌وا ڤاكسیندانێ دژی ڤالنجا زاروویان یا پایزێ ده‌ست پێكه‌ت و ئه‌ڤ هه‌وه دێ بۆماوه‌یێ پێنچ روژان یا به‌رده‌وام بیت و پێدڤی یه 48 هزار و 190 هزار زاروو بهێنه ڤاكسیندانێ و بۆ ڤێ هه‌وێ ژی مه 114 تیمێن گه‌روك دروست كرینه و28 كه‌س ژی سه‌رپه‌رشتیا ڤان تیمان دكه‌ت و 83 ترومبێل ژی هاتینه ئاماده كرن دا كو ئه‌ڤ هه‌وه ب شێوه‌یه‌كێ سه‌ركه‌ڤتی ب دوماهی بهێت و ئه‌ڤ هه‌وه ژی بۆ وێ چه‌ندێ یه كو نه‌خوه‌شیا ل ده‌ڤ زاروویان نه‌هێلیت و ئه‌ڤ هه‌وا ڤاكسیندانێ بۆ زاروویێت ته‌مه‌نێ وان د ئێك روژی هه‌تا پێنچ سالیێ دایه،هیڤیدارین ژی هاولاتیی دگه‌ل تیمێن مه‌دا هاریكار بن و زاروویێن خوه ژ ڤێ هه‌وا ڤاكسیندانێ بێ به‌هر نه‌كه‌ن داكو چو مه‌ترسی ل سه‌ر ژیانا وان په‌یدا نه‌بیت.
