هه‌ژماره‌كا پارزنگه‌هێن نه‌قانوونی هاتنه داخستن
ئه‌ڤرۆ نیۆز، قائید میرۆ:
لباژێڕێ هه‌ولێرێ لیژنه‌یه‌كا هه‌ڤپشك پازده پارزینگه‌هێن نه‌قانوونی گرتن و رێ ناهێته‌دان ئێدی كاربكه‌ن.
سه‌مه‌د مه‌حه‌مه‌د، سه‌رۆكێ ده‌سته‌یا ژینگه‌یا هه‌رێمێ ب ئه‌ڤرۆ نیۆز راگه‌هاند” لسه‌رانسه‌ری هه‌رێما كوردستانێ 170 پارزینگه‌هێن نه‌قانوونی هه‌نه و كاریگه‌ریه‌كا زۆر خراپ هه‌یه بۆ سه‌ر پیسبوونا ژینگه‌هێ، له‌وڕا پێدڤیه بهێنه گرتن و گوره‌ی مه‌رجێن ده‌زگه‌هێن په‌یوه‌ندیدار كاربكه‌ن.
سه‌مه‌دی گۆت ژی” ل ڕۆژێن بۆری بهه‌ڤكاری دگه‌ل لیژنه‌یه‌كا هه‌ڤپشك دا پازده ژوان پارزینگه‌هێن نه‌قانوونی هاتینه گرتن و دوڤچوون و پێداچوون ژی دێ یا به‌رده‌وامبیت بۆ گرتنا پارزنگه‌هێن نه‌قانوونی و دڤێت هه‌موو بهێنه‌گرتن.
وه‌زاره‌تا سامانێن سرۆشتی ژی به‌لاڤكر، ب بڕیارا ئاشتی هه‌ورامی وه‌زیرێ سامانێن سرۆشتی دڤێت هه‌موو پارزنگه‌هێن نه‌قانوونی بهێنه‌گرتن و گوره‌ی مه‌رجێن حوكمه‌تێ كاربكه‌ن.
