هه‌ڤال ئه‌بۆ به‌كر ده‌ست ژ كاركێشانا خوه پێشكێشى گۆڕان كر
ئه‌ڤرۆ نيوز:
جڤاتا نشتيمانيا بزاڤا گۆڕان ب سه‌رپه‌رشتيا نه‌وشيروان مسته‌فا، رێكخه‌رێ گشتيێ بزاڤا گۆڕان دێ كۆم بيت و تێدا بڕيارێ ل سه‌ر ناما ده‌ست ژ كاركێشانا هه‌ڤال ئه‌بۆ به‌كر ژ جڤاتا نشتيمانيا گۆڕان ده‌ت كو وه‌كو پارێزگارێ سلێمانيێ ده‌ست ب كار بوويه.
ئه‌ڤرۆ شه‌مبى 27ى ته‌باخا 2016ێ كۆمبوونا جڤاتا نشتيمانيا بزاڤا گۆڕان ب سه‌رپه‌رشتيا نه‌وشيروان مسته‌فا، رێكخه‌رێ گشتيێ بزاڤا گۆڕان ب رێڤه چيت.
ب گۆره‌ى ئه‌و پێزانينێن ميديا گۆڕان به‌لاڤكرين، هه‌ڤال ئه‌بۆ به‌كر ژ به‌ر بوونا وى وه‌كو پارێزگارێ سلێمانيێ ده‌ست ژ كاركێشانا خوه پێشكێشى بزاڤا گۆڕان كريه و ئه‌ڤرۆ دێ بڕيار ل سه‌ر هێته دان.
هه‌ڤده‌م ئه‌نوه‌ر تاهر ژ ئه‌گه‌رێ وه‌رگرتنا پۆستێ جێگرێ سه‌رۆكێ جڤاتا پارێزگه‌ها سلێمانيێ ده‌ست ژ كاركێشانا خوه ژ پۆستێ ئه‌ندامێ جڤاتا نشتيمانيا گۆڕان پێشكێش كريه.
