هه‌ڤپه‌يمانيا مالكى- عامرى: دێ ده‌نگ ب به‌ربژارێ پارتى بۆ سه‌رۆكاتيا كۆمارێ ده‌ين
ئه‌ڤرۆنيوز:
هه‌ڤپه‌يمانيا (بيناء) ب سه‌رۆكاتيا نورى مالكى وهادى عامرى، ئه‌ڤرۆ شه‌مبيێ 29/9/2018 راگه‌هاند كو په‌رله‌مانتارێن وێ دێ ده‌نگێ خوه ده‌نه فوئاد حسێن به‌ربژارێ پارتى ديموكراتى كوردستان بۆ سه‌رۆكاتيا كۆمارا عيراقێ.
سه‌ركرده‌كێ هه‌ڤپه‌يمانيا بيناء بۆ مالپه‌رێ(عين العراق نيوز) گۆت” رێككه‌فتنێن بۆرى يێن هه‌ين دناڤبه‌را پارتى ديموكراتى كوردستان ولايه‌نێن سياسى دهه‌ڤپه‌يمانيا بيناء دا ( يێن شيعه وسونى) وپه‌رله‌مانتارێن پارتى ده‌نگ ب به‌ربژارێ هه‌ڤپه‌يمانيا بيناء بۆ سه‌رۆكاتيا په‌رله‌مانى محه‌مه‌د حه‌لبوسى دابوو ل دووڤ رێككه‌فتنێن پێشوه‌خت، له‌وما هه‌موو په‌رله‌مانتارێن هه‌ڤپه‌يمانيا بيناء دێ ده‌نگ ب به‌ربژارێ پارتى ديموكراتى كوردستانێ بۆ سه‌رۆكاتيا كۆمارێ ده‌ن”.
په‌رله‌مانێ عيراقێ رۆژا 2/10/2018 وه‌كو دووماهى ژڤان بۆ هه‌لبژارتنا سه‌رۆكێ كۆمارا عيراقێ دياركربوو.
