هه‌ڤژينا به‌غدادى هاته ده‌سته‌سه‌ركرن
ئه‌ڤرۆ نيوز:
ئاژانسا رۆيته‌رز راگه‌هاند كو ل سنورێ سوريا هه‌ڤژينا ئه‌بۆ به‌كر به‌غدادى هاتيه ده‌سته‌سه‌ركرن و رۆژناما سه‌فير يا لوبنانى ژى ئه‌و ده‌نگوباس پشت راست كر و گۆت: “ئێك ژ هه‌ڤژينێن ئه‌بۆ به‌كر به‌غدادى هاتيه ده‌سته‌سه‌ركرن”.
ئاژانسا رويته‌رز راگه‌هاند كو هه‌ڤژينا ئه‌بۆ به‌كر به‌غدا سه‌رۆكێ رێكخستيا داعش ل سه‌ر سنورێ سوريا هاتيه گرتن بێى كو ئاماژێ ب سنورێ ل گه‌ل كيش وه‌لاتى بده‌ت، به‌لێ رۆژناما سه‌فير يا لوبنانى د هژمارا خوه يا ئه‌ڤرۆ دا راگه‌هانديه كو ئێك ژ هه‌ڤژينێن ئه‌بۆ به‌كر به‌غدادى ل سه‌ر سنورێ لوبنانێ و سوريا هاتيه گرتن ژ لايێ ده‌زگه‌هێن هه‌والگه‌رى يێن لوبنانى ڤه كو بزاڤ دكر بچيته د ناڤ لوبنان دا.
ئاماژه ب وێ چه‌ندێ ژى كريه كو ئێك ژ هه‌ڤژينێن به‌غدادى بزاڤ دكر ل گه‌ل ئێك ژ كچێن خوه ب ناسنامێن سه‌خته بچنه ناڤ لوبنان، به‌لێ ژ لايێ هه‌والگه‌ريا وى وه‌لاتى ڤه هاتينه ده‌سته‌سه‌كرن.
رۆژناما سه‌فير يا لوبنانى ئاشكه‌را ژى كريه كو ده‌زگه‌هێن ئه‌منى يێن وى وه‌لاتى بۆ چه‌ندين رۆژان كار ل سه‌ر ڤى ده‌ستكه‌فتێ مه‌زن كريه.
