هونه‌رمه‌نده‌كێ كومێدى وه‌كو سه‌رۆكێ وه‌لاته‌كێ ئورۆپى دهێته هه‌لبژارتن
ئه‌ڤرۆ نيوز:
هونه‌رمه‌ندێ كۆمێدى ( فلاديمێر زلنسكى) كو هه‌تا نوكه چو پۆست وپلێن حكومى نه‌بوون، وه‌كو سه‌رۆكێ وكۆمارا ئۆكرانيا هاته هه‌لبژارتن وسويندا قانوونى خواند.
ئه‌و هونه‌رمه‌ندێ ئۆكرانى ل هه‌يڤا بۆرى ژ ئه‌نجامێ هه‌لبژارتنان 75% ژ ده‌نگێن ده‌نگده‌رين ئۆكرانى بده‌ستڤه‌ئينا وشيا ل سه‌ر هه‌ڤركێ خوه ( پترۆ پرۆشينكۆ) سه‌رۆك كۆمارا ئۆكرانيا يێ نوكه ب سه‌ركه‌ڤيت وب فه‌رمى ببيته سه‌رۆكێ وى وه‌لاتى.
فلادێمير زلنسكى يێ 41 سالى، ده‌مێ تێكهه‌لى هه‌ڤركيێن هه‌لبژارتنێن سه‌رۆكاتيا كۆمارا ئۆكرانيا بووى، چو ئه‌زموون د سياسه‌تێ دا نه‌بوو وزێده‌تر وه‌كو هونه‌رمه‌نده‌كێ كۆمێدى دهاته نياسين ود زنجيره‌كا درامايا ته‌له‌ڤزيۆنى دا پتر هاتبوو پتر ب ناڤوده‌نگ ببوو كو د وێ درامايێ دا رۆلێ كه‌سه‌كى ديتبوو كو ژ نشكه‌كێ ڤه دبيته سه‌رۆك كۆمارێ ئۆكرانيا.
