هۆلەکا هەلکەفتا ل کۆمەلگەها هێتووتێ هاتە ڤەکرن
ئامێدیێ، مەحمود نهێلی:
ب بەرهەڤبوونا بەرەڤان حەمدی، بەرپرسێ لقێ ١٨ یێ پارتی و وارشین سەلمان دەڤەردارێ ئامێدیێ و هژمارەکا کەساتی و خەلکێ دەڤەرێ و بەرپرسێن حزبی و حکۆمی و کەساتیێن ئۆلی، د رێ و رەسمەکی دا دوهی ١٥/٤/٢٠٢٤ هۆلەکا هەلکەفتا ل کۆمەلگەها هێتوتێ یا گرێدایی ناوچەداریا دێرەلۆک هاتە ڤەکرن.
د پەیڤەکی دا بەرەڤان حەمدی، بەرپرسێ لقێ هەژدە یێ پارتی دەستخوەشی ل وان کەس و لایەنان کر یێن ب ڤی کارێ پیرۆزێ خێرخوازی رابووین و دیار کر ، ئەڤ کارێن ب ڤی رەنگی هاریکارن بۆ حکۆمەتێ و بارسڤکیەکە بۆ کارگێرییا دەڤەرێ و گۆت : دێ شێین دو جار مفا ژ ڤێ هولێ وەرگرین هەم بۆ هەلکەفتان و گێران و رێ و رەسمان خوەشیان ، هەم ژی بو تازی و بەهیان و تەکەز کر، خرڤەبوونا ڤان هەموو کەس و لایەنان ئەڤرۆ ل ڤێرێ نیشانا ئێکرێزیێ و پێکڤە کارکرنێ یە ژ پێخەمەت ئاڤەدانکرنا کوردستانێ.
و گۆت : دەمێ جەنابێ سەرۆک بارزانی سەرەدانا دەڤەرێ کری، سۆزدابوو کو بهێنفرهیەک ل ڤێ دەڤەرێ دروست ببیت و پلانەک هاتیە دارێشتن کو خەلکێ دەڤەرێ بشێن بچنە سەر گوندێن خوە و ئەڤ پلانە کەفتیە د قوناغا بجهئینانێ دا.
