هیڤیا وێ ئەوە بشێت كارێ خۆ بەرفرەهتر لێ بكەت
عایشە عەجیب
ئالا كاوە مەحموود، كچەكا دەستڕەنگیا خەلكا دهۆكێ یە، د دیدارەكێ دا بۆ رۆژنامەیا ئەڤرۆ گۆت: دژیەكێ بچووك دا من حەزا ڤی كاری هەبوو، لەورا پشتی من زانكۆ ب دووماهی ئینای من نەدڤیا ئەزا بێ كاربم و ب هاریكاریا مالا خۆ من دەستپێكر و بەردەوام فێری تشتێ نوو دبم.
هەروەسا گۆت: خێزانا من هەموو دگەل من دهاریكارین و هەكە پشتەڤانیا وان نەبا ڕەنگە نەشیابام یا بەردەوامبم و نوكە ئەز گەلەك تشتان چێدكەم، ژوانا (دەمژمێر، مێزە، بوكسێن گولان و كەڤالان، مەدالیا، قۆدیكێن ترۆمبێلان و گەلەك تشتێن دی بۆ زاڕۆكان) ب تایبەت بۆ وان زاڕۆكێن ژ نوو ژدایك دبن و كارێ دەستی یێ ب زەحمەتە و بۆ هندەك پارچەیان رۆژێ هەموویێ من ل سەر كاركریە، هەروەسا پارچە ژی هەبوویە ب دەمژمێرەكێ ب دووماهی هاتیە، هندەك پارچە ژی پێدڤی ب گەرمێ نە ب تایبەت د وەرزێ زڤستانێ دا و هەبوویە ب (10) رۆژان ب دووماهی هاتیە و حۆشحالم كو داهاتەك بۆ من ژێ دهێت و پەیاما من بۆ هەموو كچ و ژنێن بەهرەمەند ئەوە باوەریێ ب شیانێن خۆ بكەن و ژ دەستپێكرنا چ كاران نەترستن، چنكو مەرج نینە ئەو بۆ هەر تشتەكی د شارەزابن و یا گرنگ ئەوە دەستپێبكەن و پێنگاڤان بەر پێشڤە پاڤێژن و هیڤیا من ئەوە رۆژەك بهێت بشێم كارێ خۆ بەرفرەهتر لێ بكەم.
