هێرشێن هه‌ڤپه‌يمانان، پشته‌ڤانيه‌كا باش ل پێشمه‌رگه‌ى كريه
ئه‌ڤرۆ نيوز:
سه‌رۆك بارزانى، راگه‌هاند شه‌رێ داعش پرسا سه‌ربه‌خوييا هه‌رێما كوردستانێ پاشخستى يه، به‌لێ كورد ده‌ستا ژێ به‌رناده‌ن و ب رێيا دانوستاندنان دێ بزاڤا بۆ ڤێ ئارمانجێ ده‌ن.
سه‌رۆك بارزانى دديداره‌كێ دا ل گه‌ل كه‌نالێ “پی بی ئێسی” ئه‌مريكى راگه‌هاند: هێرشێن ئه‌سمانى پشته‌ڤانيا باش يا پێشمه‌رگه‌ى كرينه، به‌لێ د ڤێ ره‌وشێ دا ئه‌و چه‌كه ب پێشمه‌رگه نه‌هاتيه دان كو يا پێدڤى بۆ شه‌رێ تيرورستێن داعش.
سه‌رۆك بارزانى سه‌باره‌ت ئه‌گه‌رێ روى ب روى بوونا پێشمه‌رگه و داعش گۆت: مروڤ نه‌شێت پێشبينيا داهاتوو بكه‌ت، كانێ دێ چ روى ده‌ت، به‌لێ نوكه هه‌ردو ئالى شه‌رى دژى ئێك دوژمن دكه‌ن كو داعشه.
